TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lulzim Basha, i ftuar në emisionin "Të Paekspozuarit" në MCN TV, ka debatuar me analistin Enton Abilekaj.
Basha përsëriti disa herë se Rama dhe Berisha janë bashkë, por Abilekaj i kërkoi prova dhe i tha se flet pa fakte.
Debati:
Enton Abilekaj: Ngrini disa teza mbi fakte që nuk ezkistojnë. Kur thoni se nuk flet Berisha dhe mediat për Çyrben, nuk është e vërtetë, mediat flasin. Beteja është mes Ramës dhe Berishës dhe ju keni dalë në mbështetje të Ramës këtë rradhë? Ju për çfarë jeni, për të ndihmuar Ramën?
Lulzim Basha: Ramën e ndihmon Berisha mjaftueshëm, janë bashkë. Nuk ka pse e ndihmoj unë, sepse unë dua ta çoj te shokët te 313-ta. Rama do votën të njerrë shokët. Berisha e do për të nxjerrë Ilirin. Ramën e ka bërë bashkë kulla Mali i Tiranës, lirimi i të korruptuarve, Berisha i dha votën. Mbyllën listat. Premtoi Berisha Komision Hetimor për charterin, për McGonigal, nuk i bëri. Janë fakte.
Enton Abilekaj: Asnjë nga këto fakte nuk qëndrojnë.
Lulzim Basha: Berishën e ka nxjerrë aty Edi Rama për të bërë sikur ka betejë. Ai e ka nxjerrë Berishën për të bërë sikur ka betejë, ka edhe kandidatë të përbashkët. Ose me Ramën ose me familjen tënde. Ose me Ramën ose me Shqipërinë.
Enton Abilekaj: Mirë vazhdo recito ti…
Lulzim Basha: Vota për ne është e vetmja votë kundër korrupsionit.
Enton Abilekaj: Ne folëm për ju dhe ju futët Saliun në mes. Ne po flisnim përballja Rama-Basha, ju e futët në mes sepse e dini që nuk jeni ju kundërsthar i Ramës por është Berisha. Rama të ka zgjedhur ty dhe jo Saliun. Ka zgjedhur të shkëmbejë me ty në rrjete sociale.
Lulzim Basha: I vetmi që lufton Ramën jam unë, të tjerët janë bashkë me të. Bashkë i bëjnë pazarët, mbyllën listat, edhe kandidatë i kanë të përbashkët që te kandidatët e Benet Becit në Shkodër dhe pastaj Elvis Rroshi, në listën e Sali Berishës.
Enton Abilekaj: Nuk është ai, por kushëriri.
Lulzim Basha: Mos u bëj qesharak. Elvis Rroshi është në fushatë për Berishën. Se e kanë Elvis Rroshin, paradite Rama dhe mbasdite Berisha? Rama ka stretegji, të bëjë sikur bën betejë me Berishën.
Enton Abilekaj: Na i thuaj pak emrat pra meqenëse i di.
Lulzim Basha: Bëj search aty.
Enton Abilekaj: Flisni me fakte dhe jo me komente.
Lulzim Basha: Ne kemi kallëzim për Malin e Tiranës, publikojeni në median tuaj.
