TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasada Amerikane në Tiranë ka reaguar pas arrestimit të 20-vjeçarit E. H., i cili dyshohet se mashtronte nxënës dhe mësues duke u premtuar programe arsimi e udhëtime falas në SHBA.
Në një reagim në “X”, ambasada e SHBA, ka shprehur vlerësimet policisë dhe Prokurorisë së Tiranës për bashkëpunimin me Njësinë e Hetimit Kriminal Ndërkombëtar të Shërbimit Diplomatik të Sigurisë.
Ndër të tjera, Ambasada bën me dije nga hetimet e përbashkëta gjashtë-mujore u arrestua një individi që mashtronte duke paraqitur programe si të lidhura me ambasadën dhe prodhonte dokumente që mbanin vulat dhe emrat e zyrtarëve të ambasadës.
Ambasada Amerikane në Tiranë:
Ambasada e SHBA falënderon Policinë e Shtetit dhe Prokurorinë e Tiranës dhe i përgëzon për bashkëpunimin me Njësinë e Hetimit Kriminal Ndërkombëtar të Shërbimit Diplomatik të Sigurisë.
Njësia e Hetimeve Kriminale Ndërkombëtare dhe Departamenti i Hetimeve Kriminale të Policisë së Shtetit kanë një njësi të posaçme që kryen hetime të përbashkëta.
Një hetim gjashtë-mujor nga kjo njësi speciale kulmoi me arrestimin e djeshëm të një individi që mashtronte duke paraqitur programe si të lidhura me ambasadën dhe prodhonte dokumente që mbanin vulat dhe emrat e zyrtarëve të ambasadës.
Ambasada falënderon Drejtorin e Përgjithshëm të Policisë së Shtetit Muhamet Rrumbullaku, Drejtorin e Policisë Kriminale Neritan Nallbati, kreun e Prokurorisë së Tiranës Arenc Çela, prokuroren e çështjes Eloida Goxhi dhe oficerët e përkushtuar të Policisë së Shtetit për ndihmën e dhënë për këtë çështje.
The U.S. Embassy thanks the Albanian State Police and the Tirana Prosecutor’s Office and commends them for their cooperation with the Diplomatic Security Service Overseas Criminal Investigation Unit.
— USEmbassyTirana (@USEmbassyTirana) July 23, 2024
The Embassy’s Overseas Criminal Investigations Unit and the Albanian State… pic.twitter.com/Rf5cDAWSXB
