TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pasaporta bullgare është shndërruar në mundësi për të jetuar e punuar në vendet e Bashkimit Europian për mijëra shtetas nga Shqipëria dhe Maqedonia e Veriut.
Ambasadori i Maqedonisë së Veriut në Shqipëri, Danco Markovski, komentoi nga Korça fenomenin që po njeh rritje kryesisht në bashkinë e Pustecit, ku jetojnë minoriteti maqedonas.
"Nga Shqipëria ka mbi 600 mijë shtetas shqiptarë që jetojnë në Greqi, në Itali në Britani dhe në vende të tjera të Evropës dhe një pjesë e tyre kanë marrë pasaportat e këtyre vendeve. Maqedonia e Veriut si dhe Shqipëria e njohin dyshtetësinë dhe treshtetësinë".
Diplomati thekson se ekonomia e dobët e dy vendeve është faktor kryesor.
"Pasaportë bullgare dihet që marrin edhe shtetas maqedonas, edhe në Serbi, por në Maqedoni marrin edhe shtetas shqiptarë pasaporta bullgare. Çdo shtet merr vendimet e veta dhe përgjegjësitë e veta".
Në Shqipëri në prag te reformës se re territoriale dhe Censusit, fqinjët kanë nisur një betejë për pakicat e tyre. Shkupi kërkon nga institucionet shqiptare të zbatohen standardet europiane.
"Ne jemi të bindur që Censusi i ardhshëm që do të realizohet vitin që vjen do të mbahet sipas çdo standardi europian. Çdo njeri ka të drejtën e tij dhe si çdo jetë pyetja e formularit".
Përplasja mes Maqedonisë së Veriut dhe Bullgarisë mbajti peng edhe në Shqipërinë në rrugën e integrimit.
