TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident me vdekje ka ndodhur në aksin Shkodër-Koplik mbrëmjen e së mërkurës.
Mësohet se një person ka humbur jetën pasi një biçikletë është përplasur me një automjet pranë kompleksit “Zmijani”.
Kujtojmë se aksi Shkodër-Koplik është një nga akset më problematike në vend, kjo edhe për shkak të mungesës së ndriçimit në këtë rrugë.
Shkodër/Informacion paraprak
Rreth orës 21:20, në aksin rrugor Shkodër-Koplik, në zonë të fshatit Shtoj, konkretisht në afërsi të një kompleksi sportiv, shtetasi G.B. 27 vjeç, banues në Shtoj, duke drejtuar automjetin e tij tip “Volkswagen”, ka aksidentuar një shtetase që lëvizte me biçikletë, ende e paidentifikuar, e seksit femër, rreth 35-40 vjeçe, e cila ka ndërruar jetë.
Drejtuesi mjetit është shoqëruar në ambjentet e DVP Shkodër për veprime të mëtejshme procedurale.
Grupi hetimor po vijon punën hetimore për sqarimin e rrethanave të aksidentit.
