TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryesocialisti Edi Rama me tone ironike ka shigjetuar gjatë një fjalimi në Elbasan Partinë Demokratike dhe procesin e primareve të saj.
“Sot paradite, teksa po i afrohesha Librazhdit, më kapi një moment frike, thashë mos më ha të gjallë Tomorr Alizoti,” tha Rama me ironi, duke shtuar më pas: “E kërkova Ludovikun, por nuk e gjeta askund.
Rama duke iu drejtuar drejtuesit politik të PD në qarkun e Elbasanit, Tomorr Alizoti tha se “tahmaja e madhe të le pa gjë, por ty tahmaja e madhe do të lërë pa zë.”
Më tej, Rama sulmoi PD për mungesën e përfaqësimit real të kandidatëve që fituan primaret brenda PD-së në Elbasan.
“E therën një gjel në Peqin, fitoi Dashi, por nuk është askund. Dashi nuk është zog këneta, ka 7 shpirtra! Edhe Hyseni i Kavajës fitoi në gjithë Tiranën, por është zhdukur. E njëjta situatë në Sarandë. Ku është doktoresha? Ku është Xheni? I ka përpirë këneta.”
Në fund, Rama u ndal edhe te figura të tjera të PD në Elbasan, Luçiano Boçin, duke e quajtur “Luciano fake Pavaroti” duke ironizuar transferimin e tij në Shkodër.
Edi Rama: Sot paradite shkova në Librazhd dhe pata një moment që më kapi frika kur po i afrohesha Librazhdit, thashë mos më ha të gjallë Tomorr Alizoti. Shkoj atje dhe gjej lumë, s’e pashë asgjëkundi Ludovikun, tani që ju shoh ju mendoj me veten e sheh mor Tomorr ca do me hëngër ti apo jo.
Ka një fjalë të urtë që thotë “Tahmaja e madhe të le pa gjo, por ty tahmaja e modhe do të lërë pa zo. Ah mor Ludovik., ke gjet vendin e gabu, forcën e gabuar me u ngatërru mor Tomorr. Më del para syve Tomorri dhe mendoj datën 12. Tomorri nuk e mendoi 2 herë kur e sollën këtu. Luciano fake pavaroti iku. Profesori iku dhe e cuan në Shkodër.
Aty në Shkodër kur e kanë dëgju operat para të gjithëve, a mund të më thotë dikush ca duhet të bëjnë demokratët e Elbasanit, me këtë tallje të madhe. Dëshmitar dhe të një gjëje të madhe.
E therën një gjel në Peqin, fitoi primaret Dashi po nuk është në asnjë vend. E therën, po Dashi nuk është zog kënete ka 7 shpirtra. Atë Hysenin e Kavajës doli fitoi Primaret në gjithë Tiranën se shohin, është te barku i bufit. Ajo e PD në Sarandë, njësoj.
Ku është doktoresha, ku është Xheni, e hëngri këneta dhe Xhenin.
