TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shqiptar 39 vjeç është arrestuar nga policia në Itali pasi akuzohet për abuzim seksual në familje. Ngjarja ka ndodhur në provincën e Salernos, dhe ndaj shqiptarit rëndon akuza e abuzimit ndaj anëtarëve të familjes, sulm seksual të rënduar, etj. Hetimet ndaj shqiptarit, nisën pas ankesave të partneres së tij 24 vjeçare.
Gruaja u ka thënë prokurorëve se ishte dhunuar fizikisht dhe psikologjikisht në mënyrë të vazhdueshme për vite me radhë. Përveç rrahjes dhe poshtërimit, ai e ka detyruar atë të kryej marrëdhënie intime përpara fëmijës së tyre 3 vjeçar, me të vetmin qëllim për t’i treguar atij se si kryhet akti seksual.
Ngacmimet seksuale kanë vazhduar të paktën nga viti 2014, ku 24 vjeçarja për katër vite ka përjetuar frikën e vazhdueshme duke qenë objekt poshtërimi si dhe abuzimi fizik.
Pas kaq vitesh, ajo ka gjetur guximin për të raportuar partnerin e saj, duke e çuar prapa hekurave, siç shkruan “Ilgiornale”. Tanimë, burri ndodhet në burgun Fuorni, ndërsa gruaja dhe djali i saj janë strehuar nga autoritetet.
