TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy javë më parë Jose Mourinho pësonte një nga humbjet më të rënda në karrierë, pasi Roma e tij u mposht 6-1 nga norvegjezët e Bodo Glimt, të cilët u bënë skuadra e parë që i shënojnë 6 gola në një ndeshje, një ekipi të drejtuar nga portugezi.
Megjithatë koha e hakmarrjes vjen shpejt, pasi nesër në mbrëmje verdhekuqtë do të kenë mundësi të lajnë turpin në ndeshjen e kthimit në “Olimpico”, aty ku një fitore mund t’i çojë edhe më pranë kualifikimit për në fazën tjetër.
Jose Mourinho doli në konferencën e zakonshme për shtyp, ku refuzoi të bëjë polemika me arbitrimin në Itali dhe deklaroi se ndaj norvegjezëve të Bodo Glimt nuk do të luajnë të njëjtët futbollistë që u turpëruan në sfidën e parë.
“Nuk do të merrem me arbitrimin në Itali, pasi ju vetë i evidentonin problematikat. Sa i përket ndeshjes së parë me Bodon, gabuam të gjithë megjithatë nesër do të kemi mundësi të vëmë nderin në vend. Nuk do të luajnë të njëjtët me ndeshjen e parë, por nuk e kam ndarë ende mendjen për formacionin”, u shpreh portugezi.
