TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Barcelona mund të marrë pak frymë, të paktën në Champions League. Katalanasit mposhtën për të dytën herë Dinamon e Kievit dhe sërish me një gol, duke u ngjitur në kuotën e gjashtë pikëve dhe marrë kështu vendin e dytë në grup.
Nëse në sfidën në Camp Nou ndeshjen e zgjidhi Pique, në Kiev vendimtar ishte Ansu Fati në minutën e 70-të, i cili pas golit festoi si Aguero, për t’i treguar mbështetjen e tij në këtë moment të vështirë që po kalon argjentinasi pas problemeve shëndetësore.
Një sukses me vuajtje për Barcelonën, por që tashmë ka në dorën e vet totalisht kalimin e grupit. Mjafton të fitojë në Camp Nou ndaj Benficas dhe kualifikohet për në fazën tjetër si vend i dytë në grup, për të shkuar e qetë në ndeshjen e fundit në Mynih ndaj Bayernit.
Në Kiev ishte edhe suksesi i parë për trajnerin provizor Sergi Barjuan, i cili do ta drejtojë ekipin edhe në fundjavë në kampionat në transfertë ndaj Celta Vigos. Në Barcelonë tani të gjithë po presin ardhjen e Xavi Hernandez.
