Një krim i rëndë në familje tronditi sot fshatin Mekat të Vlorës, ku nipi vrau me armë gjahu xhaxhain e tij dhe më pas vrau edhe veten.
Autori është shtetasi Genci Koreta, 39 vjeç, i cili pas një konflikti për motive të dobëta ka vrarë me armë gjahu xhaxhain e tij, shtetasin Jorgji Koreta, 64 vjeç, dhe më pas veten.
NJOFTIMI I POLICISË
Vlorë – Në fshatin Mekat, Vlorë, dyshohet se shtetasi G. K, ka vrarë me armë gjahu në banesë xhaxhain e tij, shtetasin J. K, dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Vlorë vijon punën për sqarimin e plotë të rrethanave të ngjarjes.
