TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lëvizja Socialiste për Integrim akuzon kryeministrin Edi Rama, për situatën e rendit dhe sigurisë në vend, që e cilëson jashtë kontrollit.
Sekretari i Përgjithshëm i LSI, Endrit Braimllari deklaroi sot se ngjarjet e rënda kriminale, të ndodhura javëve të fundit veçanërisht që kanë kulmuar ditët e fundit kanë krijuar pasiguri tek qytetarët dhe biznesi.
Sipas tij, kapja politike, e Policisë së Shtetit nga Edi Rama në këto 8 vite ka siguruar paprekshmërinë e trafikantëve dhe përdorimin e tyre në funksion të blerjes së votës
Situata e rendit dhe sigurisë publike në vend është jashtë kontrollit dhe në mëshirë të fatit.
Ngjarjet e rënda kriminale, të ndodhura javëve të fundit veçanërisht që kanë kulmuar ditët e fundit kanë krijuar pasiguri tek qytetarët dhe biznesi.
Rritja e indeksit të kriminalitetit është një fakt që tregon qartë se Policia e Shtetit ka humbur kontrollin mbi territorin.
Inkriminimi i një pjese të Policisë së Shtetit ka zbehur tërësisht rolin e kësaj strukture dhe ka ulur besimin tek qytetarët.
Kapja politike, e Policisë së Shtetit nga Edi Rama në këto 8 vite ka siguruar paprekshmërinë e trafikantëve dhe përdorimin e tyre në funksion të blerjes së votës dhe fakti më konkret ishin zgjedhjet e fundit të 25 prillit.
Kjo situatë e rëndë ka vendosur në një pozitë shumë të vështirë pjesën e ndershme të trupës së Policisë së Shtetit, e cila ndihet e tradhtuar nga një qeveri e bërë njësh me krimin e organizuar.
Për sa kohë që Edi Rama do të jetë kryeministër, për strukturën e policisë së shtetit nuk do të ketë një zgjidhje apo shpresë që ajo të kryeje funksionin e saj parësor për ruajtjen e rendit dhe parandalimin e ngjarjeve kriminale të cilat po cenojnë sigurinë publike.
