Kukësi ka marrë një fitore të rëndësishme në javën e gjashtë të kampionatit. Verilindorët kanë mundur 2-0 Vllazninë në “Egnatia Arena” dhe kanë kapur Teutën dhe Tiranën në kreun e renditjes, me bardheblutë që kanë një ndeshje për të luajtur.
Sfida është vendosur nga dy perla. Taipi, në minutën e 29-të të pjesës së parë, ka zhbllokuar takimin me një goditje të frikshme nga distanca. Në pjesën e dytë, në minutën e 83-të, ka ardhur goli i dytë i vendasve i shënuar nga Ndreca, që ka befasuar portierin me një goditje të pazakontë.
Vllaznia e ka mbyllur ndeshjen me 10 lojtarë pas kartonit të kuq të marrë nga Mustedanagic. Kjo është humbja e parë e ekipit shkodran në 6 javë, por që kushton përballë një rivali direkt si Kukësi.
