TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadorja e SHBA në Tiranë, Yuri Kim është takuar ditën e sotme me tre ministra të kabinetit Rama, mMinistrin në Detyrë të Punëve Europiane dhe të Jashtme Gent Cakaj, Ministren e Mbrojtjes Olta Xhaçka dhe Ministren e Drejtësisë Etilda Gjonaj.
Në një postim të ambasadës në rrjetet sociale ndër të tjera thuhet se, gjatë takimeve Kim ka shprehur vlerësimin e SHBA për kontributin e Shqipërisë si aleate në NATO si dhe ka rikonfirmuar angazhimin e saj në ndihmë teknike për zbatimin e reformës në drejtësi.
Ambasadorja e re ka premtuar mbështetje të vazhdueshme për rrugën e Shqipërisë drejt anëtarësimit në BE.
Postimi i Ambasadës amerikane:
"Ambasadorja e Shteteve të Bashkuara zhvilloi sot takime prezantuese me Ministrin në Detyrë të Punëve Europiane dhe të Jashtme Gent Cakaj, Ministren e Mbrojtjes Olta Xhaçka dhe Ministren e Drejtësisë Etilda Gjonaj. Gjatë takimeve, Ambasadorja Kim shprehu vlerësimin e thellë të Shteteve të Bashkuara për kontributet e Shqipërisë si një aleate e NATO-s dhe mbështetjen e saj të rëndësishme në misionet tona të përbashkëta.
Ambasadorja gjithashtu rikonfirmoi angazhimin e Shteteve të Bashkuara në ndihmë teknike për zbatimin e reformës në drejtësi dhe premtoi mbështetje të vazhdueshme për rrugën e Shqipërisë drejt anëtarësimit në Bashkimin Europian".
