TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kaos institucional, demokraci në krizë, situatë politike e tensionuar, votime pa kundërshtarë.
Këto janë disa nga frazat me të cilat agjencitë më të njohura të informacionit në botë po përshkruajnë procesin zgjedhor të së dielës në Shqipëri.
Në artikullin e saj, " BBC", i cilëson zgjedhjet vendore të 30 qershorit më të pazakontat që nga rrëzimi i komunizmit në fillimvitet 90.
Pasi rendit akuzat e opozitës, aktet e presidentit Ilir Meta dhe kundërreplikat e kryeministrit Edi Rama, media britanike nuk sheh shpresë për pajtim politik mes palëve.
Sipas BBC, fituesit e zgjedhjeve në Shqipëri veprojnë me qasjen "fitimtari i merr të gjitha", dhe është pikërisht ky mentalitet që nuk i lë opozitës taktikë tjetër përpos protestave në rrugë.
Agjencia franceze e lajmeve, AFP, i komenton zgjedhjet e fundit vendore si episod të një krize demokracie të nisur në muajin shkurt, kur deputetët e opozitës u larguan nga parlamenti dhe zgjodhën rrugën si mjet presioni ndaj qeverisë.
Në artikull citohen fuqitë perëndimore, ambasada amerikane dhe delegacioni i Bashkimit Europian, me thirrjet për garantimin e procesit elektoral dhe shmangien e dhunës.
Gazeta italiane "La Stampa" e hap mbulimin e saj për Shqipërinë me një intervistë të ish-presidentit dhe ish-kryeministrit të Shqipërisë, Sali Berisha, duke vendosur në titullin e artikullit një frazë të ish-zyrtarit të lartë demokrat se "këto zgjedhje kurrsesi nuk mund të quhen të lira".
Shërbimi amerikan i lajmeve, Associated Press, gazeta "Uashington Post" dhe dhjetëra media amerikane, po ashtu renditin shkurtimisht shkaqet e konfliktit politik disamujor.
Zgjedhjet e 30 qershorit po raportohen gjerësisht edhe në mediet greke, serbe, maqedonase e ato të Kosovës.
BBC thekson se zhvillimi i tyre do të jetë vendimtar për vendimin që Bashkimi Europian pritet të marrë rreth negociatave për anëtarësim në muajin tetor.
