TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prej nëntë ditësh me radhë vijojnë protestat në kryeqytetin bjellorus, Minsk kundër presidentit të këtij shteti, Alyaksandr Lukashenka, i cili së fundmi ka thënë se është e mundshme mbajtja e zgjedhjeve të reja nëse bëhen ndryshime kushtetuese.
Mijëra persona janë mbledhur në Sheshin e Pavarësisë në Minsk, duke valëvitur flamurin e opozitës dhe duke i bërë thirrje Lukashenkas që të japë dorëheqje.
Presioni ndaj liderit 65-vjeçar është rritur pasi atij i është ndërprerë fjala edhe gjatë një fjalimi te fabrika e traktorëve, që dikur është konsideruar shembull i modelit të tij ekonomik.
“Neve na duhet ta miratojmë kushtetutën e re. Duhet ta miratoni atë përmes referendumit, dhe sipas kushtetutës së re mund të mbani nëse dëshironi edhe zgjedhje presidenciale edhe parlamentare, si dhe zgjedhje për autoritetet lokale”, ka thënë Lukashenka.
Vala e zemërimit është rritur prej kur Komisioni Qendror Zgjedhor ka thënë se Lukashenka, që ka qenë në pushtet nga viti 1994, ka fituar 80.1 për qind të votave, për dallim nga kandidatja e opozitës, Svetlana Tikhanovskaya 10.12 për qind.
Ndërkohë Tikhanovskaya, që është larguar drejt Lituanisë pasi ka kundërshtuar publikisht rezultatet, insiston se nëse votat do të numëroheshin si duhet, ajo do të fitonte 60 deri në 70 për qind të përkrahjes qytetare.
