AKTUALITET, 11 Janar 2019, 14:22

Vidhen armët në bazën e Pashalimanit, shoqërohen 5 ushtarë

Një ngjarje e rëndë dhe e paprecedentë ka ndodhur në bazën ushtarake të Pashalimanit në Orikum. Burime bëjnë me dije se depoja e armëve është grabitur.

Siç bëhet e ditur në këtë bazë ushtarake ruhen armë të llojeve të ndryshme.

Ngjarja e rëndë ka ndodhur gjatë natës dhe janë vjedhur 3 armë automatike.

Mësohet se janë shoqëruar pesë ushtarakë në lidhje me këtë grabitje të paprecedentë në historinë e ushtrisë shqiptare.

Sipas burimeve roja përgjegjës nuk ka qenë në vendin e punës në kohën kur ka ndodhur ngjarja.