TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përsëriten gjithnjë e me keq historitë e përmbytjeve në Durrës. Videot e fundit sjellin situata të dhimbshme, teksa njerëzit të detyruar të mbërrijnë në destinacione, punë apo emergjenca të tjera ecin mes ujit, që u mbërrin deri në brez.
Ndërkohë situatë krejtësisht e papranueshme edhe në urbanët e qytetit. Në këtë video të postuar nga JOQ mund të shihni se uji e ka përmbytur lagjen.
Ndërkohë reshjet e shiut të rëna që prej pasdites së djeshme kanë sjellë përkeqësim të situatës së përmbytjeve në qarkun e Shkodrës.
Ministria e Mbrojtjes bën me dije se sipërfaqja e tokave që janë nën ujë është rritur.
Rreth 2520 hektarë tokë janë nën ujë, ndërkohë që banorët ngrenë alarmin për ujë të pijshëm dhe rezerva ushqimore për bagëtitë.
Qyteti Shkodër: Në zonën e Livadheve janë përmbytur 60 ha. Në këtë lagje ndodhen mbi 40 banesa me prezencë uji afër oborreve të tyre dhe nga këto 4 familje mbajnë bagëti, ku si pasojë e fushave të përmbytura paraqiten vështirësi në sigurimin e ushqimit për to.
Familjet e këtyre banesave furnizohen me ujë të pijshëm nëpërmjet puseve dhe ky paraqitet si problem. Në lagjen Ajasëm janë rreth 80 dynymë tokë e mbuluar nga uji dhe si pasojë 5 familje të kësaj lagje, të cilat mbajnë rreth 100 krerë bagëti, kanë vështirësi në sigurimin e ushqimit për to.
https://www.youtube.com/watch?v=KGqLColsASo
Edhe në jug të vendit situata nuk paraqitet e qetë. Një shkarje masive ka ndodhur në rrugën Tepelenë–Gjirokastër për shkak të reshjeve intensive gjatë natës.
Rruga është dëmtuar në orën 5 të mëngjesit në vendin e quajtur Uji i Ftohtë dhe lëvizja bëhet vetëm me një kalim.
Autostrada është e bllokuar dhe për të mundësuar kalimin e mjeteve është vendosur një patrullë policie.
Në vendin e ngjarjes kanë shkuar mjetet për të bërë largimin e masivit të dheut.
https://www.youtube.com/watch?v=HjJ9O-GrsG8
TPZ.AL
