TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Si sot, një vit më parë banorët e "Astirit" nisën protestën e tyre kundër projektit të Unazës së Re, i cili parashikon shembjen e banesave të tyre për të zgjeruar rrugën.
Afera e Unazës së Re, u denoncua nga emisioni "Të Paekspozuarit" i Ylli Rakipit, i cili zbuloi se një kompani fantazmë, kishte fituar tenderin për rindërtimin e këtij segmenti dhe paratë do të shkonin në Delaware të SHBA-së.
"Të Paekspozuarit", zbuloi se kompania DH Albania, kishte falsifikuar firmën e Sekretarit të Shtetit të Delaware dhe të gjithë dokumentacionin e dorëzuar në QKB.
Zëdhënësi i Sekretarit të Shtetit të Delaware, konfirmoi për TPZ, këtë mega skandal, për të cilin ende nuk ka një përgjegjës.
Kjo ka qenë një nga protestat më afatgjata dhe njëkohësisht e veçantë në llojin e saj, pasi banorët të mbështetur edhe nga opozita e bashkuar, dalin çdo mbrëmje në rrugë dhe bëjnë thirrje ndaj qeverisë për të plotësuar kërkesat e tyre.
Me moton “mbrojmë familjet tona”, banorët a "Astirit" sot kanë zgjedhur që të protestojnë ndryshe!
Në një video-projektor, ato kanë bërë një përmbledhje të momenteve kyçe të protestave të tyre përgjatë këtyre 12 muajve dhe më pas kanë nisur fjalimet, ku nuk kanë munguar akuzat për qeverinë e kryeministrit Rama.
Si çdo ditë, në protestë ka qenë i pranishëm ish-deputeti i Partisë Demokratike, Klevis Balliu.
“Rama nuk arriti t’i mposhte këto heronj dhe t’i shemb shtëpitë e tyre. Opozita e bashkuar ka qenë në mbështetje të kësaj kauze, e kemi mbështetur këtë kauzë që në ditën e parë dhe do të vijojmë që ta bëjmë”, tha mes të tjerave Balliu.
