TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gola, kartona të kuq, penallti e humbur dhe spektakël. I pamë të gjitha në supersfidën Napoli-Juventus, ku në përfundim të 90 minutave, ishte ekipi bardhezi që doli me kokën lart pas fitores 1-2. Një fitore, që tashmë vret kampionatin padyshim, me “Zonjën e vjetër” që shkëputet në plot 16 pikë.
Sfida nisi mjaft e kujdesshme nga të dyja ekipet, por në minutën e 25-të një gabim trashanik në mbrojtje i Napolit, bëri që Meret të ndëshkohet me karton të kuq pas ndërhyrjes ndaj Ronaldos.
[video width="1280" height="720" mp4="https://cdnimpuls.com/tpz.al/wp-content/uploads/2019/03/00.mp4"][/video]
Fillimisht, gjyqtari akordoi dhe 11-metërsh, por më pas gjithçka u qartësua dhe u dha goditje dënimi, pasi ndërhyja ishte bërë jashtë zonës. Te topi shkoi Miralem Pjaniç, i cili shënoi një perlë të vërtetë duke zhbllokuar rezultatin.
[video width="1280" height="720" mp4="https://cdnimpuls.com/tpz.al/wp-content/uploads/2019/03/01-1.mp4"][/video]
Në minutën e 39-të, bardhezinjtë i dhanë një tjetër “shuplakë” Napolit, kur Emre Can goditi saktë me kokë dhe ndëshkoi për herë të dytë Ospinën.
[video width="1280" height="720" mp4="https://cdnimpuls.com/tpz.al/wp-content/uploads/2019/03/02-1.mp4"][/video]
Pjesa e dytë nisi ndryshe për Napolin, që edhe pse me 10 lojtarë aktivizoi Mertens, duke ulur në stol një mbrojtës si Malkuit. Vetëm dy minuta nga nisja, Pjaniç merr kartonin e dytë të verdhë dhe forcat në fushën e lojës barazohen.
Napoli e shtoi presionin nga minuta në minutë dhe në të 61-tën Hose Kajehon, shfrytëzoi në maksimum një krosim nga e djathta për të ndëshkuar Sheznin dhe shkurtuar diferencën në 1-2.
[video width="1280" height="720" mp4="https://cdnimpuls.com/tpz.al/wp-content/uploads/2019/03/03-1.mp4"][/video]
Ekipi i Ançelotit vijoi të ushtronte presion në kërkim të barazimit dhe krijoi një volum të jashtëzakonshëm, ku në minutën e 83-të u shpërblye me një 11-metërsh. Pas konsultimit me sistemin VAR, gjyqtari Roki akordoi penallti, të cilën Insinje e shpërdoroi duke goditur shtyllën.
[video width="1280" height="720" mp4="https://cdnimpuls.com/tpz.al/wp-content/uploads/2019/03/05-1.mp4"][/video]
Juventusi arriti të rezistonte deri në fund më pas dhe mori tri pikë me vlera, duke hipotekuar kampionatin, pasi diferenca prej 16 pikësh nuk ka nevojë për shumë koment.
Serie A | Java 26
Napoli 1-2 Juventus
Shënues: Kajehon 61’ / Pjaniç 28’, Emre Can 39’
