TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Brendshëm, Sandër Lleshaj gjatë vizitës në Malësinë e Madhe ka folur për videoskandalin e Berhan Bajrakurtit.
Lleshi iu përgjigj interesit të gazetave, duke thënë se policët janë fytyra e të gjithë shoqërisë, ndërkohë që tha se për rastin në fjalë nuk ka denoncues.
“Ai është fytyra e gjithe shoqërisë shqiptare. Është fytyra jonë dhe e juaja. Polici është i artestuar. Kemi që mbrëmë që kërkojmë denoncuesin dhe nuk ka denoncues. Polici mbahet i arrestuar në mënyre që të mos intimi dojë askënd dhe ngjarjen”, tha Lleshaj.
****
Pas videoskandalit të ish-shefin e Policisë, Barhan Bajrakurti dhe akuzat ndaj tij se ka ngacmuar seksualisht një 15-vjeçare, Ministri i Brendshëm Sandër Lleshaj ka shkuar sot në Malësinë e Madhe.
Korrespondenti i “Panorama” raporton se Lleshaj do të zhvillojë një takim me strukturat lokale të policisë së shtetit.
Video e ish-shefit të policisë ka tronditur mbarë opinionin publik, ndërkohë që Policia e njoftuar se Bajrakurti u arrestua menjëherë.
Një ditë më parë Shërimi për Çështjet e Brendshme në Policinë e Shtetit ka publikuar dhe materialin e parë për hetimin ndaj Berhan Bajrakurtit.
Njoftimi
Shërbimi për Çështjet e Brendshme dhe Ankesat, (SHÇBA) duke marrë shkas nga publikimi në media i një materiali video ku një punonjës policie shfaqet duke kryer veprime të turpshme, në vleresim te veprimeve paraprake hetimore ka arrestuar në flagrancë punonjësin e policisë Berhan Bajrakurti, specialist i Policimit në Komunitet në Gruemirë të Malësisë së Madhe i dyshuar per vepren penale ”Ngacmim seksual”.
Nga hetimet rezulton se materiali video është regjistruar ne ambjent te mbyllur (banesa personale) kjo e dokumentuar nga kqyrja e baneses. Në cilësinë e provës materiale, është sekuestruar dhe kqyrur aparati i telefonit me te cilin dyshohet se ka kryer komunikimin.
Nga verifikimet e kryera nga SHÇBA, nuk u evidentuan fakte dhe rrethana, të cilat provojnë se ka patur një ankesë drejtuar në Polici nga ndonjë shtetas per rastin ne fjale. Per kete rast po hetohet nga sektori per Krimet Kompjuterike per identifikimin e personit dergues te mesazhit dhe videos qe u dergua per publikim ne medie.
SHÇBA nxit dhe inkurajon personin denoncues apo këdo që ka dijeni për rrethana apo informacione per kete rast apo raste te tjera te denoncojë duke u garantuar anonimatin dhe dhënien e mbrojtjes së menjëhershme. SHÇBA falenderon median për bashkëpunimin dhe garanton se do të ndjekë me seriozitet çdo denoncim të qytetarëve duke i nxitur ata të telefonojnë në numrin pa pagesë 0800 90 90 për çdo paligjshmëri që konstatojnë nga punonjës të Policisë së Shtetit.
