TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Ramush Haradinaj, dikur ish-komandant i Ushtrisë Çlirimtare të Kosovës, ka rrëfyer për herë të parë se si e ka gjetur të vrarë gjatë luftës vëllain e tij, Luanin.
Ai ka treguar në emisionin “Pressing”, në televizionin T7, se e kishin informuar se Luan Haradinaj ishte plagosur nga forcat serbe.
Ai tha se ishte nisur menjëherë për ta ndihmuar të vëllanë dhe për ta nxjerrë në një zonë të sigurtë.
Sipas tij, ka të mbërritur në vendin ku ishte lajmëruar se ndodhej i vëllai, e ka parë Luanin të plagosur në kokë, ndërkohë që i rridhte shumë gjak.
Kryeministri i Kosovës ka rrëfyer se është munduar ta tërheqë nga rripi Luan Haradinajn, teksa ai nuk i përgjigjej thirrjeve të tij.
Ai tregoi se iu desh ta tërhiqte nga këmbët në një pjesë më të sigurtë deri kur ka konstatuar se Luani kishte ndërruar jetë si pasojë e një plage të madhe të shkaktuar në kokë, nga një plumb i kalibrit të madh. “Më i madh se i Kallashnikovit”, ka rrëfyer kryeministri kosovar.
Ramush Haradinaj ka treguar gjithashtu se me shumë vështirësi e ka marrë të vëllanë nga vendi ku ishte vrarë drejt territorit të Shqipërisë.
