TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shumë qytetarë janë mbledhur sot përpara Drejtorisë së Policisë në Tiranë, ku kërkojnë lirimin e të arrestuarve nga Kukësi. Kjo pas protestës që bënë dy ditë më parë kundër tarifës për rrugën e Kombit.
Ndërkaq, 23 të arrestuarit janë zhvendosur në Tiranë, pasi policia e Kukësit nuk ka kapacitete për kaq persona të ndaluar. Kjo ka sjellë dhe vijimin e protestës përpara kësaj drejtorie.
23 personat e arrestuar nuk ndodhen të gjithë në ambientet e Drejtorisë së Policisë, por janë ndarë në disa komisariate.
Kështu, mësohet se 12 protestues janë te Drejtoria e Policisë së Tiranës, 4 protestues të ndaluar në Komisariatin nr. 3, tre protestues janë në Komisariatin nr. 1, ndërsa 4 të tjerë në Komisariatin nr. 2.
Policia paraditen e sotme i zhvendosi protestuesit që qëndronin përpara Drejtorisë së Policisë Tiranë nga trotuari në rrugë.
Kjo është bërë shkak për bllokimin e qarkullimit normal të makinave. Ata vijojnë të qëndrojnë aty duke kërkuar lirimin e të arrestuarve, ndërsa i janë bashkuar dhe deputetë të opozitës.
