TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Detaje të reja kanë dalë në dritë nga ngjarja e rëndë që ka ndodhur një ditë më parë në Durrës ku kanë humbur jetën tre anëtarë të një familje nga Gjilani.
Ata kanë një shtëpi në një resort në Gjirin e Lalzit dhe prej disa ditësh kishin mbërritur nga Kosova për të pushuar në Durrës. Ditën e enjte vendosën të shkojnë në piknik dhe kishin mbledhur kërpudha.
Ndërkaq më pas ato janë kthyer në banesë dyshohet se i kanë gatuar e konsumuar kërpudhat, ku mësohet se pas 6 orësh janë ndjerë keq dhe i janë drejtuan për ndihmë qendrës shëndetësore në Manzë.
Pasi morën mjekim u kthyen në banesë. Po mjekimi me sa duket nuk i ndihmoi që të përmirësoheshin dhe u kthyen sërisht tek qendra shëndetësore.
Mjeket i dërguan në spitalin e Durrësit në gjendje të rënduar, raporton Abc News.
Këta të fundit i nisën në Tiranë ku dhe ndërruan jetë. Trupat janë tërhequr nga familjarët e tyre dhe sot bëhet varrimi në Gjilan.
Ndërkohë dy mjekët e qendrës shëndetësor Manzë, Jonuz Karaj dhe Shyqyri Beqjan janë proceduar në gjendje të lirë për mjekim të pakujdesshëm.
Burime nga policia tregojnë në deklaratën e tyre mjekët kanë thënë se nuk janë informuar nga viktimat se çfarë kishin konsumuar.
