TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nuk ishte si një “El Clasico”, por për Pep Guardiolën fitorja e djeshme ndaj Real Madrid me Mançester Sitin kishte një shije të veçantë.
Ai u bë trajneri i cili në shekullin e 21-të ka mundur më shpesh Real Madrid, 10 herë, duke u shkëputur nga Valverde dhe Simeone që e ndjekin tashmë me 9 fitore përballë madrilenëve.
“E rëndësishme ishte mënyra se si luajtëm. U munduam të vinim këtu që të fitonim ndeshjen dhe ia dolëm në këtë stadium. Por është vetëm pjesa e parë dhe nëse ka një skuadër që mund të përmbysë situatën, është ky klub.
Padyshim është një rezultat i mirë. sigurisht jam shumë krenar, por është vetëm hapi i parë. kemi edhe një ndeshje tjetër ndaj nuk ka mbaruar asgjë”, tha trajneri I Mançester Sitit.
“Mund të them se kur ishim në momentin më të mirë ne pësuam gol, të cilin nuk duhej ta kishim pësuar, dhe kur ata ishin më mirë ne i shënuam gol.
Kjo është konkurrenca, ky është futbolli. Duhet të përmirësohemi në mënyrë që të mos u dhurojmë golin si ai që pësuam. Por është pjesë e lojës dhe ndoshta në të ardhmen ne do të rritemi”, tha Guardiola.
