TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përkeqësimi i motit dhe erërat e fuqishme në Gjirin e Durrësit kanë penguar nisjen e trageteve nga brigjet tona më drejtim të brigjeve italiane.
Burime nga Kapiteneria e Portit, bëjnë me dije se tragetet që duhet të niseshin mbrëmë, sipas orarit, janë nisur mëngjesin e sotëm në drejtim të Barit.
Të gjithë pasagjerët kanë qëndruar dhe janë akomoduar në dhomat e trageteve, ku u është siguruar dhe darka.
Të dy tragetet janë nisur drejt Barit rreth orës 7:00 të mëngjesit të sotëm, pra me shumë orë vonesë.
E njëjta situatë edhe për tragetet që do niseshin nga Bari në drejtim të Portit të Durrësit, janë nisur mëngjesin e sotëm në drejtim të brigjeve shqiptare.
Shkak është forca e madhe e detit, e cila në Gji ka qenë nga 5-6 ballë Boufort dhe 7-8 ballë Boufort në det të hapur.
Aktualisht, situata vijon të jetë e përkeqësuar dhe në monitorim të vazhdueshëm nga autoritetet detare.
Anijet e tonazhit të mesëm dhe ato të peshkimit nuk janë lejuar të dalin për aktivitet të përditshëm lundrimor, deri në përmirësimin e kushteve meteorologjike.
