TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tre persona, mes tyre dy shqiptarë janë arrestuar nga policia greke si pjesë e një operacioni policor, duke parandaluar kështu trafikimin e 17 emigrantëve të paligjshëm.
Janë konfiskuar më shumë se 12 mijë euro dhe një automjet që përdorej për trafikimin e klandestinëve.
Të arrestuarit dyshohen për kalimin e paligjshëm të emigrantëve si dhe sigurimin e akomodimit për fshehjen e tyre, gjithashtu u ndaluan 17 klandestinet.
Policia greke ka lokalizuar kamionin, i cili po shkonte në drejtim të Kakavijës në Rrugën Kombëtare Janinë – Kakavije dhe gjatë kontrollit u gjetën edhe emigrantët e paligjshëm.
Hetimi policor që pasoi zbuloi ekzistencën e një qarku, anëtarët e të cilit, të paktën gjatë muajit të fundit, ishin aktivë në trafikimin e paligjshëm të të huajve nga vendi përmes kufirit Greko-Shqiptar.
Lidhur me strukturën dhe rolet e anëtarëve të qarkut, dy shtetasit shqiptarë dyshohet se kujdeseshin për gjetjen e të huajve që donin të largoheshin nga vendi, duke u siguruar atyre strehim për t’u fshehur në shtëpitë e tyre.
