TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas urdhrit të kryeministrit Edi Rama që të jepnin dorëheqjen të gjithë drejtorët e institucioneve, për shkak të protestave masive kundër tij, vjen edhe dorëheqja e pare.
Drejtori i Hekurudhave, Ergys Verdho, nje nga njerezit me te besuar të Belinda Balluku, teksa dilte nga Prokuroria e Posaçme Antikorrupsion, pranoi se kishte dhënë dorëheqje nga posti i tij.
“Kam dhënë dorëheqje nga detyra. Në SPAK isha për histori të vjetra.”, tha ai.
Ende nuk dihet arsyeja pse Verdho u thirr në Prokurorinë e Posaçme, ndërsa para mediave teksa linte SPAK, ai nuk dha asnjë detaj.
Pyetjes nëse ka dhënë dorëheqjen, apo se përse është thirrur sot në SPAK, ai i është përgjigjur duke qeshur: 'Po, po… Histori të vjetra.'
Kjo nuk është hera e parë që shihet në dyert e SPAK. Ai është parë edhe gjatë muajve maj, qershor, por së fundmi edhe në 8 tetor.
Sakaq, priten largime masive nga drejtuesit e institucioneve. Kujtojmë se nesër është thirrur një protestë kombëtare në orën 10:00, ku është ftuar dhe diaspora.
Rinia shqiptare proteston prej 11 ditësh kundër qeverisë Rama, ndërsa kërkon dorëheqjen e kryeministrit, si një kërkesë e panegociueshme.
