TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një incident me një powerbank gjatë një fluturimi të KLM nga Amsterdami drejt Curaçaos detyroi ekuipazhin të ndërhynte për shuarjen e zjarrit në kabinë dhe pilotët të kthenin avionin në aeroportin Schiphol.
Ngjarja ndodhi disa orë pas nisjes së avionit Boeing 777 nga Amsterdami. Powerbank-u ishte duke u karikuar kur u përfshi nga flakët në pjesën e Business Class.
Sipas raportimeve, pajisja i përkiste ish-drejtorit ekzekutiv të KLM, Camiel Eurlings. 53-vjeçari kishte rënë në gjumë në momentin kur ndodhi incidenti.
Dëshmitarët thanë se fillimisht u dëgjua një shpërthim dhe më pas u shfaqën flakë pranë sediljes. Ekuipazhi ndërhyri menjëherë dhe arriti ta shuante zjarrin.
Në momentin e incidentit, avioni ndodhej mbi Oqeanin Atlantik. Për shkak të situatës, kapiteni vendosi të ndërpresë fluturimin dhe të kthehej në Schiphol, ku avioni u ul në mënyrë të sigurt.
Në bordin e avionit ndodheshin 322 pasagjerë. Pas kthimit në Amsterdam, pasagjerëve iu sigurua akomodim në hotel, ndërsa udhëtimi drejt Curaçaos vijoi të nesërmen me një avion tjetër.
Fotot e publikuara pas incidentit treguan dëme në pjesën pranë sediljes ku kishte ndodhur zjarri, përfshirë dëmtime në dritare dhe në mbulesën e saj.
KLM ka nisur një hetim për të përcaktuar rrethanat e incidentit. Kompania ka rregulla të posaçme për powerbank-ët, të cilët duhet të transportohen në bagazhin e dorës dhe të jenë të aksesueshëm gjatë fluturimit. Përdorimi dhe karikimi i tyre gjatë fluturimit nuk lejohet.
Incidentet me bateritë litium-jon në avionë janë kthyer në një shqetësim për kompanitë ajrore, pasi mbinxehja ose dëmtimi i tyre mund të shkaktojë zjarr dhe tym në kabinë.
A power bank caught fire on a flight over the Atlantic, injuring one passenger and forcing the plane to divert back to Amsterdam. The incident is the latest reminder of the danger posed by lithium-ion battery fires on planes. https://t.co/qjrznUAmwF
— CBS Evening News with Tony Dokoupil (@CBSEveningNews) September 18, 2026
