AKTUALITET, 30 Dhjetor 2017, 20:49

Strakosha shndërrohet në “makth” për zikaltërit, paqe mes Interit dhe Lacios

Ka përfunduar në barazim ndeshja mes Interit dhe Lacios në Seria A, me rezultatin 0-0. Kjo ndeshje është e vlefshme për javën e 19-të, teksa të dy ekipet ndahen në paqe në fundin e kampionatit.

 Për të mbajtur ekuilibrin në këtë ndeshje, ka menduar gardiani i kombëtares shqiptare, Thomas Strakosha. Portieri i Lacios i ka mohuar një gol të sigurt Ivan Perisiçit, teksa me reflekset e tij e ka larguar topin e befasishëm të mesfushorit kroat. Por portieri i Kombëtares është treguar i gatshëm edhe në pjesën e dytë, teksa e shpëtuar portën e tij nga goli i zikaltërve.

Megjithëse është mbyllur në barazim, takimi ka qenë i luftuar nga të dy krahët. Interi  ishte “i dënuar” për fitore në këtë takim, pasi vinte nga një sërë rezultatesh negative. Ndërkohë nga krahu tjetër, të mundësh Lacion e Inzaghit në këto kohë, është vërtet shumë e vështirë. Ekipi lacial edhe në këtë ndeshje tregoi se është shumë “i frikshëm” në kundërsulme, pavarësisht se nuk arritën të konkretizonin rastet e krijuara.

Rezultatet e javës së 19-të e Serie A.