TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Çelsi ia doli që të siguronte një vend në tetëshen e parë në Ligën e Kampioneve, duke shmangur play-off. Por blutë kanë mbetur shumë të pakënaqur për faktin se Arsenali dhe Totenhemi siguruan vende sipër tyre në renditjen e përgjithshme, pasi kësisoj, kanë humbur avantazhin që i siguronte UEFA për këtë pikë të turneut.
Sipas rregullores së re, të gjitha ekipet e tetëshes së parë do të kishin avantazhin e fushës në favor në ndeshjet e fazës 1/16, me takimin e dytë që luhet në fushën e tyre. Por Çelsi në këtë rast bie viktimë e një rregulli të qartë të UEFA-s. Kjo e fundit ka saktësuar se në një qytet të caktuar mund të luhet vetëm një ndeshje në një natë të Ligës së Kampioneve. Rregulli i renditjes së përgjithshme i jep përparësi Arsenalit dhe Totenhemit që do të ndahen mes të martës dhe të mërkurës në ndeshjet e marsit, ndërsa Çelsi ka tashmë dy zgjedhje përpara.
E para është që të dorëzojë avantazhin e fushës, pra të luajë ndeshjen e parë në fushën e vet dhe të dytën në atë të kundërshtarit potencial. Ndërsa e dyta është që të luajë në një stadium tjetër, të paktën 50 kilometra larg, siç përcakton rregullorja e UEFA-s, duke ruajtur faktorin fushë. Londinezët kanë kohë deri në mars për të bërë zgjedhje e tyre, me opsionin e dytë që duket më i mundshmi sipas mediave angleze, pasi nuk duan t’i dhurojnë një avantazh të qartë rivalëve.
