TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edon Zhegrova kishte sot ditën e prezantimit zyrtar para mediave si futbollisti i Juventusit. Sulmuesi kosovar, është shfaqur shumë entuziast për këtë aventurë të re, por paralelisht ka bërë të ditur se do të mungojë në “derbin e Italisë” të kësaj fundjave.
A mund të na tregoni ditët tuaja të para?
Jam shumë i lumtur me këto ditë të para dhe jam pritur mirë nga të gjithë.
Çfarë ju bindi nga Juventusi?
Klubi më bindi. Gjithmonë kam dashur të bashkohem me një klub të madh dhe më bindi projekti. E njoh Dejvid, e di që ka cilësi dhe skuadra ka cilësi dhe mendoj se mund të jap kontributin tim.
Si është gjendja juaj?
Kam kaluar një periudhë të vështirë, por tani ndihem më mirë. Stafi po më ndihmon, por shumë shpejt do të jem gati dhe do të jem shumë më mirë.
A mendoni se mund të fitoni?
Mendoj se kjo skuadër ka shumë cilësi. Sigurisht që do të përpiqemi të fitojmë çdo ndeshje, pastaj do t’i marrim ndeshjet me radhë dhe do ta kuptojmë më vonë.
A do t’ia jepni fanellën tuaj Ramës?
Ai është një tifoz i madh i Juventusit, ishte shumë krenar dhe më ndihmoi shumë. Jam mirënjohës sepse përfaqësoj të gjitha komunitetet shqiptare. Patjetër që do t’ia dhuroj fanellën.
Si e përjetuat këtë negociatë?
Juventusi është një klub i madh dhe gjithmonë kam dashur të luaj për një klub të madh. Herën e parë me Komolin dhe Kielinin, isha i kënaqur për interesimin e tyre dhe ishte një ëndërr që bëhej realitet. Jam i lumtur dhe krenar.
Për ndeshjen e Ligës së Kampionëve kundër Juves…
Po, sigurisht. Kur luajta kundër tyre, ishte një ndeshje e shkëlqyer dhe një mundësi për të shfaqur veten. Ajo epokë ka mbaruar dhe jam i lumtur që jam këtu dhe të gjithë po e bëjnë këtë tranzicion më të lehtë. Jam i kënaqur që jam pjesë e skuadrës dhe mezi pres debutimin.
A keni marrë ndonjë këshillë nga Tudor?
Kohët e fundit kam filluar stërvitjen me ekipin. Fola me Tudorin dhe do të shohim se ku dëshiron të më vendosë.
Për nofkën tuaj, “luani”?
E përdor këtë nofkë, para së gjithash mendërisht.
Për ndeshjen kundër Interit?
Fola me Tudorin dhe nuk do të luaj ende në ndeshje sepse duhet të punoj. Do të jem në mbështetje të ekipit.
