TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Transferimi i Nikolas Xhekson te FC Bajerni u realizua në minutat e fundit. Klubi nga Mynihu e huazoi sulmuesin nga Çelsi për një vit, kundrejt një shume prej 16,5 milionë eurosh. Megjithatë, kampionët rekord nuk janë të detyruar të paguajnë të gjithë shumën; lojtari dhe agjenti i tij kontribuojnë me 3 milionë euro.
Pas shumë diskutimesh, lëvizja e huazimit u finalizua ditën e fundit të merkatos. Sipas një raporti nga mediat angleze, Bajerni madje iu afrua edhe një lojtari tjetër të Çelsit. Gazeta Telegraf raporton se skuadra e Mynihut e pyeti gjithashtu klubin londinez për situatën e Rahim Sterling – në rast se marrëveshja për Xhekson nuk do të kishte funksionuar. Sulmuesi nuk ka më asnjë perspektivë nën drejtimin e trajnerit të Çeslit, Enzo Mareska. Sterling është nën kontratë me “Blutë” që nga viti 2022, kur u transferua nga Mançester Siti për 56 milionë euro.
Sterling ishte lënë jashtë edhe sezonin e kaluar dhe u huazua te Arsenali. Bilanci i tij zhgënjyes: një gol në 28 paraqitje zyrtare. Në verë, Sterling u kthye te “Blutë” – por pa asnjë shans për të luajtur. Sulmuesi nuk ishte në skuadër për katër javët e para të Premier Ligë dhe nuk u mor parasysh as për Ligën e Kampionëve. Përveç ish-reprezentuesit anglez, klubi i Mynihut kishte interes edhe për Ademola Lukman dhe Antoni.
Emra që u diskutuan kur huazimi i Xhekson rrezikoi të dështonte. Çelsi i komunikoi Bajernit të Mynihut se marrëveshja nuk do të realizohej. Arsyeja: sulmuesi Liam Delap pësoi një dëmtim në kofshë dhe do të mungojë për disa javë. Prandaj, Blutë donin ta rikthenin Xheksonin, i cili tashmë ndodhej në Mynih për vizitat mjekësore. Senegalezi dhe agjentët e tij qëndruan të vendosur në Mynih, dhe transferimi u zyrtarizua pak para mbylljes së merkatos. Xhekson bëri paraqitjen e tij të parë me fanellën e Bajernit në fitoren 5-0 ndaj Hamburgut të shtunën mbrëma.
