TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Roman Abramoviç ka vendosur të heqë dorë nga detyra e drejtuesit të Çelsit, duke i dhënë fuqitë vendimmarrëse drejtuesve të Fondacionit të Bamirësisë së Çelsit.
Pronari rus i bluve të Londrës, tregoi vendimin e tij në një komunikatë të publikuar nga klubi, në një periudhë ku e ardhmja e tij është vënë në dyshim pas zërave të vazhdueshëm për sanksione ndaj miliarderit rus pas shpërthimit të luftës mes Rusisë dhe Ukrainës.
“Gjatë pronësisë sime gati 20-vjeçare të Çelsi, gjithmonë e kam parë rolin tim si kujdestar i klubit, puna e të cilit është të sigurojë që ne të jemi aq të suksesshëm sa mund të jemi sot, si dhe të ndërtojmë për të ardhmen, duke luajtur gjithashtu një rol pozitiv në komunitetet tona. Gjithmonë kam marrë vendime me interesin më të mirë të Klubit në zemër. Unë mbetem i përkushtuar ndaj këtyre vlerave.
Kjo është arsyeja pse unë sot po u jap administruesve të besuar të Fondacionit bamirës të Çelsit kujdesin dhe kujdesin e Çelsi. Besoj se aktualisht ata janë në pozitën më të mirë për t’u kujdesur për interesat e klubit, lojtarëve, stafit dhe tifozëve.”, tha Abrahamovic.
BBC shkruan se ende nuk dihet arsyet se përse presidenti ka ndërmarrë këtë vendim. Mirëpo ato sqarojnë se Abrahamoviç, që ka ndërtuar pasurinë e tij me biznesin e naftës dhe gazit, njihet si i afërt me presidentin Putin.
Një numër vendesh perëndimore kanë vendosur sanksione ndaj Putinit dhe ministrit të tij të jashtëm ditët e fundit, duke përfshirë Britaninë e Madhe, BE-në dhe SHBA-në. Ndërkaq, edhe në Britani gjatë ditës së djeshme, është kërkuar që manajti të ndërmarrë një hap të tillë.
