TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndeshja e sotme mes Atletik Bilbaos dhe Atletiko Madrid ishte shumë e rëndësishme për të kuptuar se cila mes skuadrave do të jetë ajo që mund të rivalizojë me Realin dhe Barçën të cilët ndajnë vendin e parë në La Liga. Në fund ia ka dalë skuadra e Simeones, me shifrat 1-0 falë Grizman i cili tashmë është përsëri titullar fiks në radhët e ekipit.
Pas arritjes së marrëveshjes mes Atletikos dhe Barcelonës për transferimin përfundimtar të francezit te madrilenët, Simeone ka hedhur tutje rregullin e aktivizimit si zëvendësues të tij dhe lojtari ia shpërbleu duke shënuar golin e vetëm të një sfidë ku kishte shumë polemika dhe tension për shkak të një goli të anuluar të Moratës në fillim e një penalltie për vendasit në fund të ndeshjes.
Kështu, Grizman shënoi golin e tretë në këtë kampionat, aq sa kishte shënuar në të gjithë të kaluarin. Por sot ndoshta pritej, duke pasur parasysh se Atletik Bilbao është skuadra të cilës i ka shënuar më shumë në karrierë. I sotmi ishte goli i 13 që ai u shënonte baskëve.
