TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Roma dhe Milani kanë barazuar 1-1 në Olimpico, në derbin që u zhvillua në kuadër të javës së 32-të në Serie A.
Ndeshjen më mirë e nisën Giallorossët, që kishin iniciativën, mirëpo u mungoi efikasiteti.
Por, pas 15 minutash lojë, Marash Kumbulla pësoi lëndim dhe Jose Mourinho u detyrua ta zëvendësonte lojtarin shqiptar me Edoardo Bove.
Rastin e parë serioz e pati Lorenzo Pellegrini në minutën e 34-të, por goditja e tij u bllokua një bashkëlojtar i tij.
Milani më pas filloi të këndellje, ndërsa portat vazhduan të mbeteshin të paprekura pa ndonjë pritje të madhe nga të dy portierët.
Rossonerët i filluan më mirë 45 minutat e dytë, derisa rrezikuan nëpërmjet Alexis Saelemaekers (60’), por goditja e tij shkoi mbi portë.
Në një stadium të stërmbushur me afro 65 mijë tifozë, duhej të kishte gol dhe befasisht u shënuan dy në sekondat e fundit të ndeshjes.
Zaki Celik asistoi te Tammy Abraham në minutën e 90+4-të, duke shpërthyer kështu festa në Olimpico.
Mirëpo, Milani i barazoi shifrat në 1-1 me golin e Saelemaekers (90+5′), duke bërë që në fund të ndaheshin pikët.
Pas javës së 32-të, Milani vazhdon të jetë në vendin e katër me 57 pikë, po aq sa ka edhe Roma në të pestin.
