TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndeshja gjysmëfinale mes Milanit dhe Interit në Ligën e Kampionëve ka filluar të komentohet shumë në Itali.
Dy skuadra nga Milano do të jenë përballë njëra-tjetrës në fillim të muajit maj, ndërsa ka shumë parashikime se kush do të kalojë në finale.
Parashikim ka dhënë edhe ish-rivali i tyre i vjetër që luante te Juventusi, Giorgio Chiellini.
“Derbi i Milanos do të jetë një gjysmëfinale e ekuilibruar, por nëse më duhet të vë bast 1 euro, do ta vë për Inter. Mendoj se zikaltërit kanë një avantazh sepse i shoh më të fortë në këtë lloj ndeshjeje”, ka thënë Chiellini.
Legjenda e Zonjës së Vjetër shtoi ndër të tjera se sipas tij në finale do të jenë Inter dhe Manchester City.
“Parashikimi im për finalen e këtij viti është Inter-Manchester City. Edhe këtu me pak dyshim, sepse gjysmëfinalisti tjetër, Real Madrid, është gjithashtu shumë i fortë”.
“Por, mendoj se herët a vonë Manchester City do të duhet të arrijë finale dhe për këtë arsye unë do të vë bast një euro për finalen e Inter-Manchester City”, deklaroi më tej Chiellini.
