AKTUALITET, 19 Shtator 2018, 23:03

Spektakël i Realit, shkëlqejnë në transfertë Bajerni, Juventusi dhe Lioni

TPZ

Tetë ndeshjet e sotme të Ligës së Kampionëve dhuruan spektakël dhe gola. Spikasin fitoret e në transfertë të Bajernit, Juventusit, Lionit dhe Mançester Junaitid. E veçanta, kartoni i kuq i Kristiano Ronaldos.

Reali u falet kryeveprës së Iskos dhe Bale

Një gol fantastik nga goditja e lirë e Iskos në minutën e 45-të i dha kryesimin Realit të Madridit ndaj Romës në pjesën e parë. Gareth Bale shënoi golin e dytë në minutën e 58-të për kampionët në fuqi të Europës. Golin e tretë për madrilenët e shënoi Mariano në të 91’. Përfundimisht 3-0.

Levandovski dhe Sançez zbërthejnë Benfikën

Sulmuesi Robert Levandoski, me golin e tij në minutën e 10-të kaloi në avantazh Bajernin e Munihut në transfertën me Benfikën në Portugali në ndeshjen e parë të Ligës së Kampioneve, grupi E. Një goditje me të djathtën, pas asistit të Albabës. Renato Sançez dyfishoi shifrat në minutën e 54-t. Bajerni fiton 2-0.

“Dopio” Pjaniç i mjafton Juventusit

Mesfushori i Juventusit, Miralem Pjaniç, realizoi dy gola me penallti, një në çdo pjesë loje: 45’ dhe 51’, duke i çuar shifrat në 2-0 ndaj Valencias. Kampionët e Italisë po luajnë nga minuta e 30-të me dhjetë lojtarë, pas ndëshkimit të Kristiano Ronaldos me karton të kuq. Një fitore bindësë 2-0 e Juves.

Lion shokon Sitin në Mançester

Një gol i sulmuesit të Lionit, Gnaili Kornet, në minutën e 26-të befasoi vendasit e Mançester Sitit në “Etihad Stadium”. Francezët shfrytëzuan në maksimum rastiun që iu paraqit. Fekir (43’) dyfishoi shifrat duke lënë të shtangur Pep Guardiolën. Bernardo Silva shkurtoi diferencën në 2-1 në minutën e 67-të. Ndeshja është e vlefshme për grupin F të Ligës së Kampioneve, grupi E.

Mançester Junaitid argëtohet me Jang Bojs

Dy gola nga Pol Pogba (35’ dhe 44’, ky i fundit me penallti) dhe rrjeta e Martial në të 66’ i siguruan fitoren 3-0 Mançester Junaitid ndaj zviceranëve të Jang Bojs. Çekët e Viktoria Plzen mposhtën 2-1 rusët CSKA së Moskës: dygolësh i Kremençik (29’ dhe 41’), si dhe gol i Shalov (49’) për rusët.

Në ndeshjet e orës 18:55, Ajaksi fitoi 3-0 me grekët e AEK-ut të Athinës, ndërsa ukrainasit e Shahktar Donteskut barazuan 2-2 me gjermanët e Hofenheimit.

/TPZ.AL/