TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mëngjesin e sotëm, ekipet policore në Itali kanë arrestuar 25 persona për trafik droge.
Tre organizata kriminale janë shkatërruar, të përbëra nga italianë dhe shqiptarë, që vepronin në provincat e Chietit, Pescara dhe L’Aquila dhe që vazhdimisht janë marrë me shpërndarjen e drogës.
Grupi i parë i njohur si “Canale albanese”, e kishte bazën në një fermë bujqësore të izoluar në komunën Bucchianico. Ajo ishte e përbërë nga ballkanas dhe drejtohej nga një 30-vjeçar shqiptar, pa dokumente qëndrimi, që ishte vendosur në krye të një rrjeti të dendur trafiku droge në territor.
Grupi i dytë i evidentuar si Gruppo Salino, që përbëhej kryesisht nga tifozeri e organizuar e futbollit në Chieti Calcio “89 mai domi”, kishte krijuar selinë e vet në dy klube të njohura, njeri pub dhe tjetri restorant. Ishin pikërisht këto dy aktivitete tregtare ku gjatë jetës së natës, lulëzonte shitja e kokainës.
Për shkak të veçorisë së këtij grupi kompakt, agjentët e Policisë italiane arritën përmes kamera të fshehta të hetojnë dy lokalet dhe të mblidhnin prova thelbësore për hetimin.
Gjatë hetimit, u pikas dhe “Gruppo pescarese”, po ashtu i përfshirë në shitjen e drogës.
Nga operacioni kapën 32 kg marihuanë, sasi të mëdha kokane dhe hashashi si dhe 73 mijë euro të fituara nga tregtia e paligjshme.
