TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ushtria amerikane ka njoftuar se ka penguar gjithsej 20 anije tregtare që të afrohen drejt porteve jugore të Iranit, në kuadër të rikthimit të bllokadës detare të vendosur nga Shtetet e Bashkuara në rajon.
Komanda Qendrore e Forcave të Armatosura të SHBA-së (CENTCOM) bëri të ditur se deri një ditë më parë ishin ndaluar 18 anije tregtare që prej rifillimit të bllokadës në fillim të këtij muaji.
Sipas njoftimit, gjatë 24 orëve të fundit dy anije të tjera janë detyruar të ndryshojnë kurs, duke e çuar në 20 numrin total të mjeteve tregtare të penguara nga afrimi drejt porteve iraniane.
CENTCOM deklaroi se forcat amerikane kanë kryer deri tani ndalimin e dy anijeve, ndërsa kanë zhvilluar edhe dy operacione kontrolli në bord të mjeteve tregtare.
Ky zhvillim vjen në një kohë të rritjes së pranisë ushtarake amerikane në Gjirin Persik dhe përpjekjeve të Uashingtonit për të vendosur kufizime mbi aksesin detar drejt porteve jugore të Iranit.
Tensionet mes Shteteve të Bashkuara dhe Teheranit vijojnë të përshkallëzohen, ndërsa masat e reja në sektorin detar kanë rritur shqetësimet për ndikimin e tyre në tregtinë ndërkombëtare dhe lëvizjen e anijeve në një nga zonat më strategjike të transportit detar në botë.
