TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Bashkimi Europian ka vendosur që të akordojnë 18 milionë euro ndihmë për Iranin, në mënyrë që të ndihmojnë në kompensimin e ndikimit të sanksioneve të SHBA.
Federica Mogherini, Shefja e politikës së Jashtme të BE, u shpreh gjatë një deklarate se blloku është i angazhuar për bashkëpunim me Iranin.
“Kjo paketë e re do të zgjerojë marrëdhëniet ekonomike dhe sektoriale në fushat që janë të dobishme për qytetarët tanë,” tha ajo.
BE po punon për të ruajtur tregtinë me Iranin, i cili ka kërcënuar se do të ndalojë përmbushjen e marrëveshjes bërthamore nëse nuk arrin të shohë përfitimet ekonomike të lehtësimit nga sanksionet.
Blloku do të shpenzojë 8 milionë euro për sektorin privat të Republikës Islamike, duke përfshirë ndihmën për ndërmarrjet e vogla dhe të mesme dhe Organizatën e Promovimit të Tregtisë të Iranit.
8 milionë euro të tjera do të shkojnë në projektet mjedisore dhe 2 milion euro për të luftuar dëmet e shkaktuara nga droga.
