AKTUALITET, 21 Gusht 2018, 11:52

Ronaldo i kërkon falje portierit të Kievos që i theu hundën

Cristiano Ronaldo, i ka kërkuar falje portierit të Kievos, Stefano Sorrentino. Në ndeshjen e parë të Serisë A, Ronaldo u përplas me portierin duke bërë që ky i fundit të humbiste ndjenjat. Më pas u mësua se portieri kishte thyer hundën. Por, ai ka njoftuar në rrjetet sociale, se Ronaldo i ka dërguar një mesazh ku i kërkon falje për goditjen e rëndë.

“Kam marrë një mesazh nga Ronaldo që më ka dëshiruar shërim të shpejtë. Faleminderit legjendë”, shkruan Sorrentino.