TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Autoritetet në SHBA kanë nisur një hetim për ryshfet të mundshëm nga kompania amerikane e sistemeve të sigurisë me bazë në Kaliforni ‘OSI Systems’ pas një raporti të firmës së investimit ‘Muddy Waters LLC’ që denoncoi korrupsionin e firmës së Kalifornisë, shkruan ‘The Wall Street Journal’.
Kompania ‘OSI Systems’ tha në një deklaratë se Komisioni i Sigurisë dhe Shkëmbimit së SHBA-së po heton veprimet e saj në zbatim të Ligjit të Praktikave të Korruptuara të Huaja.
Zyra e Prokurorit të Përgjithshëm për Distriktin Qëndror të Kalifornisë gjithashtu tha se po planifikon të kërkojë informacione në lidhje me zbatimin e Ligjit të Praktikave të Korruptuara të Huaja nga ‘OSI Systems’, një ligj që ndalon dhënien e ryshfeteve ndaj zyrtarëve të huaj për të lidhur kontrata biznesi.
Firma e investimit ‘Muddy Waters LLC’, e cila kryen kërkime investigative për kompanitë publike, deklaroi më 6 dhjetor të vitit të kaluar se kompania e sigurisë ‘OSI Systems’ kishte fituar një kontratë të rëndësishme në Shqipëri përmes korrupsionit.
“Ne besojmë se kontrata në Shqipëri rezultoi nga një ryshfet masiv për gjysmën e vlerës së koncensionit” thuhet në raportin e ‘Muddy Waters’.
‘OSI Systems’ mohoi të gjitha akuzat në të njëjtën ditë. Kompania tha se Komisioni i Sigurisë dhe Shkëmbimit të SHBA-së dhe departamentet e drejtësisë gjithashtu po hetojnë shërbimet e tyre e sigurisë dhe se ka ndërmarrë veprime në lidhje me një zyrtar të lartë të kompanisë, por nuk komentoi statusin e zyrtarit.
Sakaq Carson Block, themeluesi firmës ‘Muddy Waters’ u shpreh për Wall Street Journal se: “Ne besojmë se ‘OSI Systems’ është e korruptuar dhe nisja e hetimeve për këtë kompani është një provë e fuqishme. Shpresojmë që investitorët të fillojnë të kuptojnë rëndësinë e ligjeve amerikane.”
