TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 40-vjeçar, autori i plagosjes së trefishtë të ndodhur mbrëmjen e shkuar në një lokal në fshatin Shën e Premte në Divjakë është vënë në pranga nga policia.
Uniformat blu kanë bërë të ditur se kanë arrestuar Kujtim Imerin, i cili për motive të dobëta është konfliktuar me shtetasit B.G, 67 vjeç, A.G, 21 vjeç, dhe D.Gj, 26 vjeç, banues në fshatin Shën e Premte Divjakë, ku gjatë konfliktit i ka qëlluar me thikë.
Nga sa mësohet, të plagosurit ndodhen në Spitalin Rajonal Lushnjë nën kujdesin e mjekëve.
“Autori pas plagosjes u largua nga vendngjarja, por si rezultat i reagimit të shpejtë të policisë , u kap dhe u arrestua menjëherë nga shërbimet e Policisë Divjakë. Shtetasi Kujtim Imeri është person me precedent penal në fushën e krimeve kundër personit dhe ka qenë i dënuar më parë për plagosje me thikë”, – thuhet në njoftimin e policisë.
Në cilësinë e provës materiale u sekuestrua thika me të cilën autori goditi 3 shtetasit.
Materialet i kaluan Prokurorisë pranë Gjykatës së Shkallës së Parë Lushnje për veprat penale “Plagosje e lehtë me dashje” dhe “Prodhimi, mbajtja, blerja apo shitja pa leje e armëve të ftohta”.
