TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Institutin e Mjekësisë Ligjore në Maqedoninë e Veriut ka përfunduar autopisa e trupave të sjellë nga Tetova, pas zjarrit që shkrumboi spitalin modular, në të cilin kuroheshin pacientë të sëmurë nga Covid-19.
“Me ndihmën e DNK analizës janë identifikuar trupat e 14 viktimave të cilët humbën jetën në zjarrin që shpërtheu në spitalin modular të Tetovës.
Është kryer obduksion edhe ndaj një pacienteje më të re, trupi i së cilës është sjell në Institutin e Mjekësisë Ligjore”- ka deklaruar Aleksandër Stankov, drejtor i Institutit të Mjekësisë Ligjore.
Mes viktimave nga zjarri në Spitalin Modular të Tetovës tetë janë gra dhe gjashtë burra, të moshës nga 29 deri në 78 vjeç. Prej tyre 12 ishin të hospitalizuar si pacientë në qendrën Covid. Nga viktimat, dy persona, bashkëshortja e një pacienti dhe vajza e një pacienteje janë persona nga jashtë të cilët nuk ishin të shtruar në spital.
Me urdhër të Prokurorisë është kryer autopsi edhe ndaj pacientes, e cila ka ndërruar jetë nga Covid-19 pak para zjarrit, ndërsa personeli mjekësor ka qenë duke luftuar për ti shpëtuar jetën.
Trupi i pajetë i pacientes është nxjerr nga spitali në momentin e shpërthimit të zjarrit. Autopsia është kryer për të vërtetuar saktë shkaqet e vdekjes, pas çka është konstatuar se shkak i vdekjes nuk është zjarri.
Identifikimi i trupave është kryer me ndihmën e familjarëve të viktimave, MPB-së dhe Njësitit për hetime.
Gjatë ditës trupat e pajetë pritet tu dorëzohen familjeve. Ka filluar tërheqja e trupave të viktimave nga Instituti i Mjekoligjor. Sot do t’u dorëzohen disa nga trupat e viktimave familjarëve, të cilët po ashtu sot do të varrosen.
