TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka nisur me tensione dhe debate të ashpra mbledhja e komisionit parlamentar të ligjeve. Opozita kërkoi diskutime jashtë rendit të ditës për çështjen "Xhafaj". Në debate u përfshirë deputetët e PD Oerd Bylykbashi dhe Gent Strazimiri me kryetarin e komisionit Ulsi Manja. Ky i fundit nuk lejoi diskutime jashtë rendit të ditës.
Në debate u përfshi edhe deputeti Klevis Balliu i cili iu drejtua Manjës se po sillej si karagjoz, ndërsa kreu i Ligjeve iu përgjigj se karagjozin të shkojë dhe ta tregojë në vend tjetër.
Debati te "Ligjet"
Gent Strazimiri: Kalendari nuk permban ceshtjen me te rendesishme si ceshtja "Xhafaj". Ka 10 dite me fakte e prova autentike. Po drejtohemi nga nje narkoqeveri me nje narko koperture me nje narko qeveri. Qeveria u kap me pras ne duar.
Oerd Bylykbashi: Ministri i brendshëm ka mbrojtur vëllain kriminal, e paketoi dhe e çoi në Itali, ndërsa duhet të fillonte ndjekja penale për të për trafik të lëndëve narkotike.
Klevis Balliu: Z.Manja, mos bëj karagjozin këtu.
Ulsi Manja: Karagjozin shko dhe tregoje në vend tjetër....
Oerd Bylykbashi: Ky komision nuk mund të vijojë më pa shkarkuar Fatmir Xhafajn. Sa kohë Fatmir Xhafaj ministër i Brendsghëm mbron krimin në qeveri.
Ulsi Manja: Si e kishte ai "Babolja"...?! Ti po më kërkon të mos bëj detyrën... Ky nuk është komisioni i "Babaljes", por është komisioni i ligjeve.
Pas debateve, opozita ka bojkotuar mbledhjen e komisionit të Ligjeve, ndërsa maxhoranca ka vijuar e vetme shqyrtimin e projektligjit për "Profesionin e Avokatit" në Republikën e Shqipërisë. "Ora e gallatës mbaroi, ora e "Babales" mbaroi", tha Ulsi Manja teksa deputetët e PD dhe LSI linin karriget e komisionit të ligjeve.
