AKTUALITET, 5 Gusht 2018, 18:22

Pas Ozilit, një tjetër futbollist i thotë lamtumirë Gjermanisë

Pas Ozilit, një tjetër futbollist i thotë lamtumirë
Pas mesfushorit me origjinë turke, Mesut Ozil, i cili vendosi të tërhiqej nga kombëtarja gjermane pas skandalit që shpërtheu në lidhje me akuzat e tij për racizëm në skuadër, një tjetër lojtar i “pancerave” ka vendosur të tërhiqet.

Mario Gomez i ka dhënë lamtumirën kombëtares, duke vendosur të mos jetë më pjesë e ekipit të drejtuar nga Joakim Lëv. 33-vjeçari ka qenë një ndër sulmuesit më të rëndësishëm të Gjermanisë në këto vite, duke shënuar plot 31 gola në 78 takime me fanellën e 4 herë kampionëve të botës.