TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kush mendonte se Partizani do të gabonte përsëri, do të jetë zhgënjyer sot, pasi të kuqtë kanë mundur pa shumë probleme 3-0 Teutën dhe kanë likuiduar një rival direkt për titullin, ndërsa kanë krijuar edhe më shumë distancë nga Kukësi i vendit të dytë.
Gabimi i verilindorëve të shtunën ishte një mundësi e artë të cilën skuadra e Gegës e ka shfrytëzuar në maksimum, duke dominuar përballë durrsakëve në ndeshjen e sotme dhe duke vulosur thuajse që në pjesën e parë fitoren e tre pikëve me golin e Telushit dhe të Hilës.
Në pjesën e dytë, kur pritej reagimi i Teutës, ai nuk ka ardhur dhe të kuqtë kanë rrezikuar disa herë portën e Hidit derisa gjetën edhe golin e rezultatit përfundimtar 3-0 me Çinarin që i sheh të shkojnë në pushimin e kampionatit me një diferencë të thellë pikësh, 9 të tilla, nga Kukësi që i ndjek dhe me të cilin do të luajnë në javën e ardhshme.
