Para 22 vitesh xhiroi gjendjen në Kosovë, ndërsa dje ndeshjen

---

22 vjet pasi kishte xhiruar gjendjen e vështirë në Kosovë, në vitin 1997, kameramani Chris James mbrëmë xhiroi Kombëtaren e Kosovës në ndeshjen kundër Anglisë, në stadiumin “St.Mary’s”. Ndeshja mes Anglisë dhe Kosovës, në kuadër të kualifikimeve për Kampionatin Evropian 2020, ishte paraprirë nga shumë histori për luftën në Kosovë në fund të viteve ’90 dhe rolin e Britanisë së Madhe në bombardimet e NATO-s.

1997 Kosovan frontline, 2019 @England v Kosovo touchline - and never a backward step. Cameraman Chris James @itvfootball pic.twitter.com/jTqrgL42W9

— gabriel clarke (@gabrielclarke05) September 10, 2019

Historia e ngritjes së Kosovës si shtet dhe si ekip kombëtar u rrëfye nga shumë media britanike sportive, mirëpo kameramani i televizionit ITV Football, Chris James, nuk kishte nevojë t’i lexonte ata artikuj për të mësuar rreth historisë së “Dardanëve”. James kishte qenë dëshmitar i situatës në Kosovë, pasi ai vetë kishte xhiruar në territorin e vendit në vitin 1997, siç tregon gazetari i ITV Sport, Gabriel Clarke. Në këtë ndeshje, të zhvilluar në stadiumin e Southamptonit, “St. Mary’s”, Anglia e mposhti Kosovën me rezultatin 5-3, duke i dhënë fund ecurisë prej 15 ndeshjeve pa disfatë. Megjithatë, kosovarët e shprehën mirënjohjen e tyre për ndihmën e Anglisë në bombardimet e NATO-s përmes pankartave si ajo ku shkruhej “Falë jush, tani ne luajmë kundër jush. Gjithmonë mirënjohës ndaj teje, Anglia jonë e dashur”. /Gazeta Express/