TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Më poshtë vijojnë datat kryesore të formimit, zgjerimit dhe humbjes së kontrollit të territoreve në Siri dhe Irak nga ana e Shtetit Islamik (ISIS):
2003: Abu Musab al-Zarqawi, ekstremisti jordanez krijoi të ashtuquajturën dega e al-Kaedës në Irak pas pushtimit të drejtuar nga SHBA-ja.
dhjetor 2011: Grupi i njohur si Shteti Islamik në Irak aktualisht, i drejtuar nga Abu Bakr al-Baghdadi, ndërmerr një fushatë vdekjeprurëse bombarduese pas tërheqjes së forcave amerikane nga Iraku.
2012: Al-Baghdadi dërgon militantë në Siri për të përfituar nga konflikti i përshkallëzuar i vendit fqinj.
prill 2013: Al-Baghdadi ndahet nga al-Kaeda, duke riemërtuar grupin e tij të Shtetit Islamik në Irak dhe Levant (ISIL).
janar 2014: Luftëtarët ISIL infiltrojnë qytetet perëndimore irakiane të Falluxhas dhe Ramadit pas disa muajsh protestash dhe dhunë në provincën e Sunni Anbar.
qershor 2014: ISIL merr kontrollin e Mosulit, qytetit të dytë më të madh të Irakut.
29 qershor 2014: ISIL riemërton veten si Shteti Islamik duke deklaruar se al-Baghdadi është kalif dhe udhëheqësi i të gjithë muslimanëve në mbarë botën.
gusht 2014: SHBA-ja nis sulmet ajrore kundër Shtetit Islamik pas masakrimeve të anëtarëve të pakicës fetare Yezidi në Irakun e veriut.
tetor 2014: SHBA-ja nis sulme të ashpra ajrore në mbështetje të forcave kurde të Sirisë që mbronin qytetin kufitar të Kobanit.
mars 2015: Forcat irakiane të mbështetura nga sulmet ajrore amerikane rimarrin qytetin e Tikrit, zona midis Bagdadit dhe Mosulit.
korrik 2016: Një sulm me bombë në makinë i pretenduar nga Shteti Islamik shkaktoi vdekjen e 292 personave në Bagdad, një ndër sumet më vdekjeprurëse të grupit që kryesisht shënjestronin shiitët civile.
tetor 2016: Forcat irakiane nisin një betejë për të marrë kontrollin e Mosulit, një nga kryeqytetet binjake të Shtetit Islamik.
shkurt 2017: Trupat turke dhe rebelët sirianë pretendojnë një kontroll të plotë të qytetin verior të Shtetit Islamik , al-Bab ,të cilin e kishin pushtuar në vitin 2013.
mars 2017: Trupat siriane rifitojnë kontrollin e zonë së Palmyra e përfshirë në Trashëgiminë Botërore të OKB-së .
10 korrik 2017: Kryeministri i Irakut Haider al-Abadi deklaron se Mosuli është çliruar nga Shteti Islamik.
tetor 2017: Bagdadi shpall fitoren në Hawija, bastionin e fundit të grupit në Irakun verior, një muaj pas pushtimit të qytetit kryesor të Tel Afar.
17 tetor 2017: Forcat Demokrate të Sirisë (SDF), një koalicion i luftëtarëve arabe dhe kurdë të mbështetur nga sulmet ajrore amerikane, njoftojnë çlirimin e el-Raqqa.
22 tetor 2017: SDF-ja pushton zonën e naftës të al-Omar, më e madhja në Siri, në krahinën lindore të Deir al-Zour.
3 nëntor 2017: Trupat qeveritare siriane njoftojnë marrjen e qytetit të Deir al-Zour, kryeqyteti i provincës me të njëjtin emër dhe bastionin e fundit të Shtetit Islamik në Siri.
ATSH
