TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Për të 16-ën ditë me radhë, banorët e Divjakës kanë dalë në protestë mbrëmjen e sotme, kundër propozimit të Partisë Socialiste për hartën e re territoriale, e cila parashikon shkrirjen e 15 bashkive, mes tyre edhe Bashkisë Divjakë, e cila pritet të bashkohet me Bashkinë Lushnjë.
Ndryshe nga protestat e mëparshme, organizatorët kishin zgjedhur që tubimi i sotëm të zhvillohej në një tjetër formë, duke vënë në pah traditat dhe vlerat historike, koreografike e muzikore të zonës.
Në kuadër të protestës u organizua një mini-koncert, ku u interpretuan këngë dhe valle të trashëguara brez pas brezi.
Pas përfundimit të koncertit dhe fjalimeve, protestuesit marshuan në rrugët e qytetit, duke vijuar kundërshtimin ndaj propozimit për ndryshimin e hartës territoriale.
