TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas përfundimit të fjalimeve të qytetarëve dhe aktivistëve, protestuesit kanë nisur marshimin në rrugët e Tiranës, në kuadër të protestës së 77-të kundër qeverisë së Edi Ramës.
Bulevardi “Dëshmorët e Kombit” është mbushur me protestues, mes të cilëve edhe një numër i konsiderueshëm qytetarësh nga diaspora, të cilët i janë bashkuar tubimit të sotëm.
Pas fjalimeve para Kryeministrisë, protestuesit kanë vijuar marshimin në rrugët e kryeqytetit, duke shoqëruar lëvizjen me thirrje kundër qeverisë.
“Rama, jep dorëheqjen!”, “Shqipëria kërkon revolucion!”, “Rama në burg, Berisha në burg” dhe “Ju erdhi fundi” janë ndër thirrjet e dëgjuara gjatë marshimit.
Protestuesit kërkojnë largimin e Kryeministrit Edi Rama dhe të qeverisë së tij, ndërsa gjatë tubimit janë ngritur edhe akuza për korrupsion dhe keqqeverisje.
Protesta e sotme shënon ditën e 77-të të tubimeve qytetare në Tiranë, ndërsa pjesëmarrësit kanë deklaruar se do të vijojnë rezistencën deri në plotësimin e kërkesave të tyre.
